FEBREIRO: mes do CÓMIC
Día 22 de febreiro
Visita de ANXO FARIÑA, autor de Os Megatoxos.
Asistirán:
A actividade desenvolverase no salón de actos.
Verémonos no Salón de actos o 22 de febreiro ás 18:30.
Proxectaremos a película Corazóns en Atlántida.
Podedes consultar tamén a páxina Web do instituto. Ide a Biblioteca, animación á lectura, Club Merlín II. (http://centros.edu.xunta.es/iesalvarocunqueiro/)
AS FESTAS DO ENTROIDO
O Entroido é unha das festas máis celebradas en Galicia. Comeza o domingo da sesaxésima coa festa maior denominada domingo fareleiro ou borrallento. Seguen o xoves de comadres, o domingo de Entroido e o martes, día principal, no que en moitos lugares se celebra a queima do Meco que vén sendo o Entroido personificado. Neste personaxe está resumida toda a simboloxía carnavalesca, ben sexa como final dun ciclo cósmico representado no ano, ben sexa dun ciclo vexetativo, ou histórico- social, conxugando os dous anteriores. Soe rematar a festa cun “pranto” que recibe distintos nomes segundo os lugares; enterro do Ravachol en Pontevedra, enterro da sardiña en Vigo, etc..
Nesta festa hai dous aspectos que se poden salientar: o litúrxico e o festeiro. O seu significado do latín introitus, “entrada”, remítenos á liturxia, é a antesala das “ carnes tollendas”, prohibición da carne e das festas.
As máscaras, as bromas, e a gastronomía configuran o aspecto festeiro. As máscaras atópanse nestes días en todas as cidades, vilas e aldeas galegas. Chámanse segundo os sitios máscaras, mascaritas, entroidos, felos mecos, peliqueiros….Son soados os cigarróns ou peliqueiros de Laza, Verín, Xinzo; as charrúas en Allariz, madamitas en Cotobade, escabicheiros ou merdeiros en Vigo.
O Entroido ten tamén unha gastronomía propia. Predomina a carne de porco e postres especiais como filloas de sangue ou as farandelas, flores fritidas, orellas de frade, etc.. Pratos principais son a cacheira e o rabo e a sentencia di: alegría, alégrote que anda o rabo do porco no pote.
Lectura recomendada : o segundo lance de “Os vellos non deben de namorarse”
Achégase o Entroido. Vai preparando o teu disfraz para participar no concurso. Haberá moitos premios.
Permanece atento. Seguirás recibindo novidades.
SORPRENDERASTE !!!
Actividade organizada polos Departamentos de Plástica e Linguas, co obxectivo de fomentar a lectura a través do cómic.
Libros recomendados e á vosa disposición na Biblioteca:
Contaremos coa presenza de ANTÓN FARIÑA, autor de OS MEGATOXOS.
| No programa de 3º de ESO da materia de Educación Plástica e Visual traballamos o cómic. |
| Os alumnos aprenderán a narrar historias a través de imaxes. Explicamos os conceptos de: |
| Viñeta, Encuadre, Bocadillos, Onomatopeyas, Liñas cinéticas |
| Para poñer en práctica os conceptos teóricos os alumnos realizarán unha práctica que consistirá en elaborar unhas tiras de cómic a partires dun texto que eles secuenciarán e ilustrarán con personaxes creados por eles. |
Día da Paz: Actividades
Manifesto do Día da Paz:
Desexamos:
A fartura fronte á fame
A educación fronte ao analfabetismo.
A hospitalidade fronte ao racismo.
O diálogo fronte ás liortas.
A esperanza fronte ás desilusións.
A verdade fronte á mentira.
A xustiza fronte á iniquidade
PAZ…………….!
______________________________________________
PRIMEIRO CERTAME LITERARIO “DÍA INTERNACIONAL DA PAZ E A NON VIOLENCIA”
Tema: A PAZ: empatía, tolerancia, solidariedade…
Modalidade: relato curto (mínimo unha cara, máximo dúas)
Establécense dúas modalidades:
O xurado estará formado por: un membro do equipo directivo,un profesor, un alumno e un membro da ANPA.
Haberá un premio para cada categoría.
Os traballos premiados serán publicados na revista do IES. Deberán presentarse baixo pseudónimo e acompañados dunha plica(un sobre cos datos do autor). Entregaranse na Biblioteca antes do 1/3/10.
_________________________________________________
Recordámosvos que o 25 de xaneiro temos unha nova cita na Biblioteca. Falaremos de amor.
Sorte e felices festas. As amantes de lectura.
Un libro é sempre un bo agasallo e se é por unha boa causa, mellor.
Recomendámosche dous:
“O son das buguinas” Un fermosísimo libro ilustrado que inclúe un CD. O beneficio obtido coa súa venda será destinado á ONG Implicad@s no desenvolvemento.
A outra recomendación é o titulado “Ninguén está só” Ed. Tristram. Consta de vinte relatos doutros tantos autores “a prol dos dereitos humanos”. Colabora coa ONG “Amnistía Internacional”.
Os relatos presentan unha temática común: solidariedade, tolerancia, multiculturalismo, empatía…
A súa lectura será, sen dúbida,un excelente instrumento de coñecemento,reflexión e concienciación.
